Transport til Vinjerock
Vinjerock går over 3 dagar sist i juli
Ved sidan av talrike konsertar, får
festivalgjengarane moglegheit til å boltre seg i
fjellheimen, med alt frå guida toppturar til
sandvolleyball på Jotunheimen Beach!
Aasmund Olavsson Vinje
Vinjerock er oppkalla etter Aasmund Olavsson
Vinje, som var den første hyttebyggjaren på
Eidsbugarden. Han var også mannen som gav
Jotunheimen sitt noverande namn. Vinje var ein
mann som gjekk sine eigne vegar, og nokre har
spekulert i om han ikkje må ha vore Noregs
første hippie. Vi er vel ikkje heilt ueinige i
den tolkinga - uansett veit vi at rockefoten
hans nok trampar, der han sit oppe på Falketind
og følgjer med.
Foto: Ina R.
JohansenSatsningsområde
Vinjerock arbeidar aktivt med mange
satsingar, spesielt er tilgjengelegheit og
miljøet verdt å nemne, ved sidan av den
kontinuerlege jobben med å halde på den lokale
forankringa.
Bekymringslaus transport til fjells!
Godt nytt til deg som skal til fjells frå Oslo,
Bergen eller Trondheim! Vi set opp
bekymringslause festivalbussar til gjebortpris
(kr 399,- tur/retur), og som om ikkje det var
nok får du sanneleg nokre frynsegodar attpå!
Bussane går frå bysentrum og heilt inn til
festivalområdet, og når du kjem fram får du
påsett festivalarmband før du går av bussen.
Undervegs byr vi deg på ein godbit eller to, i
tillegg til ein quiz med fjonge premiar! Med
andre ord: Ein herleg bekymringsfri tur, og når
du er framme slepp du alt som heiter kø. Rett
opp med teltet og fram med rockefoten! Og når du
skal heim er det berre å finne bussen med
Ubekymra-logo, og gå rett på. Null kø, null
stress. Straka vegen rett heim til sofaen for å
puste ut etter ei lang helg på fjellet! Kanskje
får du med deg ein godbit eller to på vegen heim
også...
|
Dato: 19.-22. juli
2012
Pris per pers:
Se Vinjerock.no
Prisen inkluderer:
-
Påmeldingsstatus:
Se Vinjerock.no
Påmeldingsfrist:
Se Vinjerock.no
Info og påmelding:
Se Vinjerock.no
Sist endret: 8. mai 2012
|
